A nosa entidade leva a cabo numerosos proxectos dirixidos, especialmente, ás mulleres do medio rural. Neste sentido, Afachantada implícase na loita contra a violencia machista e contra todo tipo de violencia que se exerce sobre as mulleres polo simple feito de selo. Así, decidimos que debíamos ir un paso máis alá e contribuír dun xeito máis activo implementando na nosa asociación o PUNTO VIOLETA.
O PUNTO VIOLETA, é un instrumento promovido polo MINISTERIO DE IGUALDADE que pretende buscar a implicación do conxunto da sociedade na loita contra a violencia machista e extender, ó máximo número de persoas posibles, a información precisa para saber actuar ante un caso de violencia contra as mulleres. Esta medida, forma parte do catálogo de medidas urxentes do Plan de Mellora e Modernización impulsado por diferentes Ministerios do Goberno.
Os obxectivos deste instrumento son:
- Implicar a toda a sociedade na loita contra a violencia machista.
- Achegar os servizos integrais ás vítimas a través do seu entorno.
- Facilitar información sobre cómo actuar ante un caso de violencia machista a establecementos, entidades, empresas ou organismos públicos.
As ferramentas que ofrece o Punto violeta son:
- Guía Punto Violeta para actuar fronte á Violencia Machista (pdf).
- Guía Punto Violeta para actuar fronte á Violencia de Xénero (Actuación na Casa) (pdf).
- Pegatina Punto Violeta para Establecementos.
- Cartaz Punto Violeta para Establecementos.
