Formación Sobre a Enfermidade de Alzheimer (Chantada e Carballedo)

Dende CEAFA (Confederación Española de Alzhéimer) desenvolverase un proxecto de información e sensibilización sobre a enfermidade do Alzhéimer no medio rural. Este proxecto levarase a cabo grazas á colaboración de Laboratorios CINFA, proporcionando información e formación sobre a enfermidade do Alzhéimer no medio rural. Afachantada tamén participará neste proxecto aportando unha profesional neuropsicóloga que será a encargada de realizar as formacións.

O proxecto persegue os seguintes obxectivos:

1. Realizar unha exposición sobre a enfermidade do Alzhéimer ás familias que acudan á sesión.
2. Facilitar a información sobre os recursos e servizos dispoñibles na provincia.
3. Iniciar relacións e establecer futuras colaboracións entre os concellos e as asociacións.

Os temas a tratar nestas sesións serán os seguintes:

1. A enfermidade do Alzhéimer.
2. A persoa enferma de Alzhéimer.
3. O/a coidador/a principal e a familia.
4. Recursos legais e sociosanitarios.
5. Hábitos de vida saudable e factores de risco.

As derradeiras sesións serán desenvoltas en:

• Auditorio Municipal de Chantada (Praza de Galicia, 1) – Martes 15 de Novembro de 16:30 a 20:30.

• Concello de Carballedo (Praza V.Portomeñe 1. A Barrela) – Mércores 23 de Novembro de 16:30 a 20:30.